Дар доираи лоиҳаи «Таҳсилоти фарогир ва пешрафта барои кӯдакон ва ҷавонони осебпазир», ки аз ҷониби ҳукумати Швейтсария маблағгузорӣ мешавад, дар мактаб-интернати кӯдакони ятим ва бепарастори Мақомоти иҷроияи ҳокимияти давлатии вилояти Суғд маҳфили дӯзандагӣ ташкил карда шуд. Ин яке аз фаъолиятҳои муфидтарин ва таълимӣ барои хонандагони мактаб-интернат мебошад. Ҳадафи асосии он ин аст, ки дар кӯдакон ва наврасон шавқ ба дӯзандагӣ пайдо кунанд, малакаҳои амалӣ ба даст оранд ва ба онҳо имкон диҳанд, ки дар оянда ин касбро интихоб кунанд.
Мақсадҳои маҳфили дӯзандагӣ:
- Омӯзонидани асосҳои дӯзандагӣ (партов, дӯхтан, ченкунӣ, қолабкашӣ ва ғайра).
- Парвариши зебоишиносӣ ва эҳсоси завқи ҳунармандӣ дар хонандагон.
- Тарбия кардани меҳнатдӯстӣ ва эҳтиром ба меҳнати дастӣ.
- Омодасозии хонандагон ба ҳаёти мустақилона ва касбомӯзӣ.
Фаъолияти маҳфил:
Омӯзиши дӯхтани либосҳои оддӣ (масалан, рӯймол, болишт, доман, курта ва ғайра).
Шиносоӣ бо намудҳои матоъ, асбобҳои дӯзандагӣ ва усулҳои истифодаи онҳо.
Иштирок дар намоишгоҳҳо ва озмунҳои ҳунарӣ.
Омода кардани тӯҳфаҳои дастӣ барои чорабиниҳои мактабӣ.
Манфиатҳои маҳфил:
Рушди ҳисси зебоӣ ва завқи эҷодӣ.
Афзудани эътимод ба худ ва ҳисси масъулият.
Омӯзиши касби амалӣ, ки метавонад дар оянда манбаи даромад гардад.
Русский
Тоҷикӣ
English