Мақсад аз барқарор ва азнавсозии 16 канал дар ноҳияи Ишкошими Тоҷикистон ин зиёд намудани об дар каналҳо ва обёрии заминҳои нав, ки ба хоҷагиҳои деҳқонӣ ва аҳолӣ барои мусоидат намудан ба баландшавии ҳосилнокии маҳсулоти кишоварзӣ, амнияти озуқаворӣ ва даромади иловагӣ равона карда шудааст.
Бо ин мақсад кормандони лоиҳа бо якҷоягии Ҳукумати ноҳияи Ишкошим 15 адад каналҳои мавҷудабударо барои таъмир ва сохтмони 1 канали нав интихоб намуданд. Каналҳои интихобшуда ба критерияҳои зеринҷавобгӯ мебошанд:
- Каналҳое, ки аз онҳо нисбатан мардуми зиёди ноҳия истифода мебаранд;
- Каналҳое, ки фарсудашудаанд ва талафоти зиёди об ба назар мерасад;
- Каналҳое, ки аз онҳо заминҳои зиёди кишоварзӣ обери мешаванд;
- Каналҳое, ки баъди таъмир ва азнавсози ба муҳити атроф зарар намерасонанд.
Дар натиҷаи таҳлилҳо ва азназаргузарониҳои якҷоя 15 канал барои таъмиру азнавсози ва 1 канали нав барои сохтмон интихоб гардид. Аз тарафи мутахассисони лоиҳа барои ҳар канали интихобшуда шиноснома ва сметаи хароҷот тартиб дода шуд. Ногуфта намонад, ки дар маракаи таъмир ва азнавсозии каналҳо саҳми аҳоли низ назаррас мебошад. Аҳолии ноҳия барои корҳои сохтмони ҳамчун ёрдамчиёни устоҳо ҷалб карда мешаванд. Ҳукумати ноҳия бошад барои истифодаи масолеҳи сохтмонии маҳаллӣ, аз қабили санг, рег, хок, шағал ва ғайраҳо кӯмаки худро мерасонад.
Мо умедворем, ки дастаҷамъона ба мақсадҳои дар пешгузошта ноил мегардем!!!
Русский
Тоҷикӣ
English